Искусниот шармер ги испеа своите најголеми хитови пред преполната Универзална, а на крајот на бис ја изрецитира и прекрасната „Не дај се Инес“.
Се извини што мораше концертот да биде одложен за еден ден од првично планираното, а и што пати од мала настинка, иако публиката воопшто не забележа тоа да се одрази на концертот и на целосното уживање.
Шербеџија беше придружуван од бендот во кој на гитара свири и неговиот син, а дел од сцената зеде и убавата Јана Стојановска, младата македонска актерка која доби многу пофални зборови од нејзиниот повозрасен колега.
Со многу емоции, сеќавање на старите времиња, Раде раскажа и за случката кога го препознале среде Лондон но не му верувале дека е токму тој, вистинскиот Шербеџија. На крајот ја испрати публиката омекната, разнежнета и крајно среќна. Прекрасна вечер со големиот, прекрасниот Раде Шербеџија.
